MATERIALLARDI RÁSMIYLESTIRIW QAǴIYDALARI

"Ózbekstan Respublikası Ilimler akademiyası Qaraqalpaqstan bólimi Xabarshısı" jurnalı

 

1. Redakciya elektron variant penen birgelikte qaǵazda (2 nusqada) usınılǵan materiallardı tómendegi ólshemde kórip shıǵadı:

- maqala – 6 betten 15 betke shekem;

- sholıw, pikir-usınıs, maǵlıwmat – kóbi menen 6 bet;

- redakciya menen kelisilgen halda basqa materiallar.

2. Materialdıń kólemin anıqlawda tómendegi parametrlerden kelip shıǵıwıńızdı soraymız:

- tekst A-4 (210x295 mm) aq standart qagazģa 1,5 intervalda 14 shriftte basılıwı kerek;

- maydanlar: shepten – 3 cm, joqarıdan, ońnan hám tómennen – 2 cm;

- elektron variant RTF formatında bolıwı kerek.

3. Materiallar tómendegi talaplarǵa muwapıq rásmiylestiriledi:
4. a) tekst Microsoft Word 97 tekst redaktorında teriliwi kerek; basqa RTF-muwapıq programmalardan, sonıń ishinde, OpenOffice, Times New Roman shriftinen paydalanıw múmkin;
5. b) qaraqalpaq hám ózbek tillerindegi maqalalar qaraqalpaq hám ózbek álipbesindegi háriplerdi kirill yamasa latın álipbesindegi uqsas háripler menen almastırmay, Unicode (Times new roman) kodlawınan paydalanǵan halda teriliwi kerek. ABD, Bodo, Pragmatica KRKP hám soǵan uqsas shriftlerde terilgen materiallar qabıl etilmeydi;
6. v) birinshi betinde UDK indeksi, maqalanıń atı, avtordıń (avtorlardıń) inicialları hám familiyası, mákemelerdiń atamaları, maqalanıń aqırında barlıq avtorlardıń qolları hám telefon nomerleri kórsetiledi;
7. g) maqalaǵa ózbek, rus hám inglis tillerinde (hár bir tilde keminde 20 qatardan) rezyume, maqala ataması ózbek, rus hám inglis tillerinde, avtorlardıń atı, familiyası hám mekeme atı ózbek, rus hám inglis tillerinde qosımsha etiliwi kerek. Rezyumesi joq maqalalar qabıl etilmeydi!
8. d) matematikalıq formulalar kirgizilgen Equation Editor formulalar redaktorınan paydalanıp kirgiziliwi kerek. Strukturalıq ximiyalıq formulalar tekstke grafikalıq obyekt kórinisinde jaylastırılıwı yamasa maqalaǵa WMF formatta qosıp beriliwi kerek. Blok-sxemalar, matematikalıq hám ximiyalıq formulalardı bir neshe qatardaǵı ápiwayı belgilerdi qolda tegislew arqalı teriwge jol qoyılmaydı. Maqala tekstin artıqsha obyektler menen júklew usınıs etilmeydi, yaǵnıy grek álipbesi háriplerin, ózgeriwshilerdi hám t.b. belgini kirgiziw yamasa shrift túrin ózgertiw ámeli járdeminde teriw kerek;
9. e) poligrafiyalıq imkaniyatlar sheklengenligi sebepli redakciya avtorlardan yarım tonlı illyustraciyalardı (fotosúwretler, kompyuter ekranınıń nusqaları hám basqalar) qollanbawdı, olardı shtrixlı súwretler menen almastırıwdı soraydı. Súwretlerdi Word hújjetinde jaylastırmastan, redakciyaga ayırım grafikalıq fayllar kórinisinde usınıw kerek;
10. j) maqalanıń tekstinde hár bir súwret hám kestege silteme beriliwi kerek;
11. z) Ádebiyatlar dizimi rus, ózbek, qaraqalpaq tilinde berilgen jaġdaylarda latin alfabitinde teriliwi shárt. Ádebiyatlar dizimi jumıslarǵa silteme beriw tártibinde izbe-izlikte dúziliwi kerek. Tekstte ádebiyatlarga silteme kvadrat qawsırma ishindegi cifrlar menen beriliwi kerek. Dissertaciya jumısları hám avtoreferatlarǵa silteme beriwge jol qoyılmaydı.

 

Bibliografiyalıq sıpatlama tómendegishe beriledi:

- monografiyalar ushın: avtordıń familiyası hám inicialları, maqalanıń ataması, qalası, baspası, jılı;

- jurnallardaǵı maqalalar ushın: avtordıń familiyası hám inicialları, jurnal atı, jılı, tom hám sanı, beti;

- toplamlardaǵı maqalalar ushın: avtordıń familiyası hám inicialları, toplamnıń atı, qalası, baspası, jılı, tom hám basılım sanı, betleri;

1. i) materialdıń sońǵı betine avtor (avtorlar) májbúriy túrde qol qoyadı.

Bul jerde de keltirilgen:

avtordıń familiyası hám tolıq atı, ákesiniń atı;

- jumıs, oqıw ornı hám lawazımı (fakultet, JOO, mákeme hám basqalardıń atı durıs kórsetilgen halda);

- ilimiy dáreje (eger bolsa);

- anıq baylanıs maǵlıwmatları:

mánzili – xızmet hám (yamasa) úy mánzili, indeksli;

telefon (lar) hám faks (kodı menen);

elektron pochta mánzili (eger bolsa);

1. k) talabanlar hám magistrantlardıń materialları tiyislisinshe joqarı oqıw orınlarınıń kafedraları, ilimiy-izertlew mákemeleriniń bólimleri, sektorlarınıń usınısı bolǵanda qabıl etiledi.
2. Tayarlanǵan materiallar ÓzR IA QQB arnawlı seminarlarınıń xatkerleri tárepinen talqılanǵannan hám baspaǵa usınıs etilgennen keyin redakciyaga tapsırıladı.
3. Maqalaǵa tómendegi qosımsha hújjetler qosımsha etiledi:

- mákeme baslıǵınıń qolı qoyılǵan Bas redaktor atına bildiriw xatı;

- maqalanı mákeme bólimleriniń májilislerinde talqılaw protokolınan mákeme móri menen tastıyıqlanǵan kóshirme;

- tiyisli qánigelikke iye ilimpazlardıń (ilim kandidatı hám doktorı) ilimiy mákemeniń móri menen tastıyıqlanǵan eki pikir-usınısı;

- mór menen tastıyıqlanǵan ekspertiza akti.

7. Maqalalar joqarıdaǵı bántlerge ámel etilgennen keyin redakciyaǵa qabıl etiledi hám redakciya xızmetkeri menen jaqınnan tanısıp shıǵıp, payda bolǵan máseleler sheshilgennen keyin dizimge alınadı. Sanap ótilgen talaplarǵa ámel etilmegen jaǵdayda jiberilgen materiallar kórip shıǵılmaydı.

 

Basıp shıǵarıwǵa qabıl etilmegen materiallar hám fotosúwretler avtorlarǵa qaytarılmaydı.